FECT-UNTL Hera, 19/07/2023: Relasiona ho Semana Akadémika ne'ebe Organiza husi Universidade Nasionàl Timor Lorosa'e (UNTL) Nia Fakuldade Engenharia Ciensia no Teknolojia realiza Formasaun Diskursu Públiku, Debate Públiku no Hakerek Artigu Sientífiku ba estudante hamutuk 73 Iha Auditorium FECT-HERA
Iha Diskursu Abertura Vise Dekanu Asuntu Kooperasaun no Peskiza Domingos de Sousa haktuir, Formasaun ne'e Importante Tebes ba estudante sira hodi aprende, nune'e bele hatene halo Diskursu ho Diak, Debate no Hakerek Artigu Sientífiku sira tuir Siénsia no Teknolojia
"Formasaun Diskursu Públiku, Debate Públiku no Hakerek Artigu Sientífiku ne'e Importante tebes ba estudante Sira, nune'e bele hatene halo Diskursu, Debate no Hakerek Artigu Sientífiku, Estudante sira tenki buka atu haklaen ninia Kunhesimentu hodi halo peskija, identifika problema sira no fo Solusaun ba problema ne'ebé Komunidade sira Hasoru". Tenik Vise Dekanu Asuntu Kooperasaun no Peskiza Domingos de Sousa liu husi nia Diskursu iha Auditorium FECT-HERA, 19/07/2023
Iha fatin hanesan, Professor Agustinho de Sousa hatutan, Estudante tenki Badinas lee no rona tanba buat Ida rona ne'e Importante iha Komunikasaun, tanba ne'e estudante sira tenki fo atensaun maximu iha Aprensentasaun sira tuir Mai
"Imi tenki Badinas rona, rona hodi aprende, aprende hodi hatene, hatene para bele muda imi nia Kunhesimentu no Kapasidade liu husi Aprensentasaun ida ne'e". Nia hatete
Presidente Assosiação Académica Estudantil FECT UNTL Sergio Alves da Costa hatutan, Formasaun ne'e realiza tanba apoiu husi UNTL liu husi programa Semana Akadémika, Formasaun ne'e atu aumenta Kapasidade, Hasa'e Kunhesimentu no hadia Atetude
"Formasaun ne'e hodi Hasa'e Kunhesimentu, hadia Atetude no aumenta Kapasidade estudante ida-idak nian, tanba ne'e Formasaun sira ne'e Bele estimula estudante sira halo Diskursu, Debate no Artigu Sientífiku ne'ebe Diak liu ba Futuru". haktuir Sergio
Formasaun ne'e fasilita husi Vise Dekanu Asuntu Kooperasaun no Peskiza Domingos de Sousa
Enkuantu, Formasaun ne'e Partisipa husi Estudante Sira iha FECT ne'ebe estuda iha kursu Departementu Enjenaria Mecânica, Sivil, Eletro e Elétrica, Nucleo Estudante Engenharia Informatica UNTL - NEEI-UNTL no Geólogos no Petroleu Hamutuk 73 Pessoas
Foto : Média Officer AAE-FECT
Dili, 19 Jullu 2023