Introdusaun

Associação Estudantil Fakuldade Engenharia Ciensia no Teknolojia, Universidade Nasionàl Timor Lorosa'e (UNTL) hanesan orgaun autônoma ne'ebe hari'i husi estudante sira no tutela direta ba Fakuldade no Universidade, iha ne'ebé Assosiasaun assume Responsabilidade no obrigasaun hodi Serví no kontribui ba dezenvolvimento Siénsia no Teknolojia iha Universidade hodi konkretiza hamutuk vizaun Universidade Nasionàl Timor Lorosa'e ne'ebe hatur katak atu sai Sentru ekselensia ba Ensinu Superior iha Timor Leste.

Atu Alkansa Vizaun komun  ida ne'e, Assosiasaun Estudantil Ne'ebe hetan lejitimidade husi Estudante Sira iha Fakuldade Engenharia Ciensia no Teknolojia hatur nia misaun sira ne'ebé aposta ba interesse Fakuldade no Universidade nian liu husi atividade extrakurikulariu sira hodi reforsa no asegura atividade kurrikulariu Ne'ebe Universidade hatur ba kada Fakuldade iha UNTL.

Associação Estudantil hamrik ho komprimisiu no komitmentu hodi asegura no kontribui positivamente ba dezenvolvimentu kapasidade no kunhesimentu estudante sira nian liu husi atividade extrakurikulariu sira Kompetisaun Debate, no Diskursu, programa formasaun, kursu, Semináriu, workshop no treinamento sira ne'ebé liga ba area Siénsia no Teknolojia.

Associação Estudantil moos asume papel Importante hodi Hametin amizade no franternidade, Kampus seguru no livre ba Estudante hotu iha Fakuldade Engenharia Ciensia no Teknolojia UNTL.

Associação Estudantil kontinua halo buat hotu ne'ebe nia bele hodi kontribui ba progressu, evolusaun no kualidade estudante Hotu Hotu nian liu husi dalan Ne'ebe ho forma Justu, igual, honestu no transparência iha Jestaun no Operasionalizasan iha Fakuldade Engenharia Ciensia no Teknolojia UNTL.