Dili, 15/08/2023 : Companha Woodside Energy husi Austrália Sosializa Programa Servisu Estajiu Ba Estudante Fakuldade Engenharia Ciensia no Teknolojia, Universidade Nasionàl Timor Lorosa'e (FECT-UNTL) iha Auditorium Fakuldade Engenharia Hera

Objetivu husi sosializasaun ne'e hodi transmite ba Estudante sira oinsa bele aplika ba programa servisu ne'e hodi ba servisu iha Australia durante fulan 3, Programa sira ne'ebe Aplikante Sira hodi ba servisu mak hanesan Área Engenaria, Ekonomia no Servisu Administrasaun
Vise Dekanu Asuntu Kooperasaun no Peskija Domingos de Sousa haktuir Programa Woodside Energy nian ne'e hanesan oportuniddde diak ba estudante sira ne'ebe iha abilidade diak kona ba lingua inglês
"Nune'e, Estudante sira ne'ebe iha abilidade lian inglês bele konkore ba vaga ne'e tanba ne'e Oportunidade diak ba imi ne'ebe iha interesse atu ba servisu iha ema nia rain". Dehan Vise Dekanu Domingos de Sousa liu husi nia Diskursu iha Auditorium Fakuldade Engenharia Hera, 15/08/2023
Iha fatin hanesan, Senadu Fakuldade Engenharia UNTL, Sérgio Alves hato'o agradese ba parte Woodside Energy ne'ebe deside no hili Fakuldade Engenharia hodi transmite programa servisu ne'e ba estudante sira, Espera estudante sira bele aplika no susesu iha programa ne'e.
"Agradese no Apresia ba Woodside Energy tanba bele mai ita nia Fakuldade Engenharia Ciensia no Teknolojia UNTL, hodi fahe ba ita hotu oinsa bele aplika ba oportunidade servisu iha Australia, Ha'u espera entre hirak ne'ebe ohin mai Partisipa bele koko no aplika aplikasaun ne'e hodi ba servisu hanesan estágiu iha Australia". Sergio Sublinha
Portantu, Ba estudante sira ne'ebe iha interesse atu aplika bele tama iha Link www.woodise.au.com hodi asesu Informasaun Kompletu kona-ba oportunidade de empregu refere
Partisipa iha sosializasaun ne'e mai husi estudante Ativu, Finalista no Graduadu sira besik atus rua, iha Universidade Nasionàl Timor Lorosa'e.
Média Officer AAE-FECT UNTL
Dili, 15/08/2023