Dili, 05 Junhu 2023: Komunidade Akadémiku Universidade Nasionàl Timor Lorosa'e (UNTL) hala'o Içar da Bandeira Nacional Republica Democratica de Timor Leste iha Resintu Kampus Sentral UNTL

Serimónia Içar da Bandeira Nasionàl ne'e, UNTL hala'o Kada Fulan iha Semana Dahuluk Fulan nian.
Iha Diskursu Reitor UNTL João Soares Martins haktuir Objetivu husi içar da Bandeira ne'e atu hafanun nafatin Funsionáriu no estudante Sira hotu iha UNTL hodi hanoin ba herói Sira no Hadomi Ninia Nasaun no Povu
"Kada Fulan Ita realiza içar da Bandeira, Ita Halo hodi hanoin hikas herói Sira Hotu ne'ebé fo sira Nia Vida ba Nasaun Nia Ukun rasik, nune'e mos bele fanun Funsionáriu no estudante Sira hodi Hatene hadomi Ninia rain no Povu". Dehan Reitor UNTL João Soares Martins liu husi Nia Diskursu iha Kampus Sentral UNTL, 05/06/2023
Iha Içar Bandeira ne'e responsabiliza husi estudante Fakuldade Enjiñeria Siénsia no Teknolojia UNTL, Hera.
Serimónia ne'e hetan Partisipasaun maksimu husi Estrutura UNTL, Dosente Sira, Funsionáriu Sira no Estudante Sira iha UNTL
Kampus Sentral UNTL, 05 Junhu 2023