FECT-UNTL Hera, 26 Abril 2023 : Gabinete Grupu Tekniku Kampus Seguru UNTL Hamutuk Ho UN Woman Hala'o Workshop Ba Estudante Fakuldade Engenharia Ciensia No Teknolojia, Universidade Nasionàl Timor Lorosa'e (UNTL) Hamutuk 113

Workshop ne'e ho tema "Prevensaun Violensia Bazeia Jeneru no Naun Asediu Sexual". Objetivu Husi Workshop ne'e hodi Hasa'e Kunhesimentu, Kapasidade Estudante Sira nian, Nune'e bele hadia Atetude no kontribui ba kampus Ne'ebe Seguru, Komfortavel, livre no láiha buling, Book Estudante, Asediu Sexual, Violasaun sexua, Diskriminasaun inklui hetan pressaun husi Dosente no estudante Sira
Workshop ne'e organiza husi Assosiação Académica Estudantil FECT UNTL hetan apoia no fasilitator husi UN Woman Mana Teresa inklui hetan Apoiu Tekniku Gabinete Vise Reitora Asuntu Estudantil UNTL
Iha Diskursu Senadu Fakuldade Engenharia Ciensia no Teknolojia UNTL Sérgio Alves dá Costa mos Husu estudante Ativu Sira luta hodi Kombate Violasaun Sexual no Asediu Sexual iha Fakuldade Liliu Universidade Nasionàl Timor Lorosa'e, Wainhira hetan bullying, Book, pressaun no Violasaun Husi Maluk Estudante Tantu Desente Sira tenki Ko'alia Sai Hodi resolve no hapara aktus Sira ne'e kuandu Mosu iha Universidade
"Wainhira imi hasoru bullying, book, kaer, Violasaun ruma Tantu asédiu sexual tenki Ko'alia Sai já keixa hodi belê Foti Asaun ba Sira ne'ebe komete aktu Violasaun Sexual no Asediu Sexual iha Fakuldade Tantu Universidade, Ha'u Promete Sei defende Imi hodi kontinua Kazu too rezultadu final, estudante hotu tenki sente Seguru, Komfortavel no livre Husi Violasaun Ho forma saída deit iha Universidade". Dehan Senadu Sergio Alves da Costa iha Auditorium FECT-HERA, 26/04/2023
Partisipante iha Workshop ne'e hetan Partisipasaun maksimu husi Estudante Fakuldade Engenharia Ciensia No Teknolojia Hamutuk 113 Kompostu Husi Departementu Geologia no Petroleu, Engenharia Civil, Mecânica, Informática no Eletro
Média: Officer AAE-FECT UNTL
Dili, 26 Abril 2023