FECT-UNTL Realiza TAJST Ba Volume VI

Dili, 12-13/10/2023: Hafoin Partisipa iha Serimónia lansamentu Timorese Academic Journal of Science and Technology (TAJST), Reitor UNTL João Soares Martins konsidera Faculdade Engenharia sai ezemplu ba Fakuldade sira seluk iha UNTL.
Magnifiku Reitor UNTL saran lia hirak ne’e, durante Partisipa iha Serimónia lansamentu Timorese Academic Journal of Science and Technology (TAJST), Iha Faculdade Engenharia Ciência e Tecnologia, Universidade Nacional Timor Lorosa’e (UNTL) iha Auditorium Hera, 12/10/2023
Reitor UNTL João Soares Martins apresia no kongratula Faculdade de Engenharia, Ciência e Tecnologia tanba bele halo peskija, hakerek no produz Jornal Akadémika kada tinan, tinan ne’e produz ona to’o volume VI, ne’e sai ezemplu ba Fakuldade sira seluk
“Ha’u nia apresiasaun no kongratula ba Faculdade de Engenharia, Ciência e Tecnologia, hamutuk ho komisaun organizador ne’ebe bele produz Jornal Akadémika ba volume VI, Faculdade Engenharia sai ezemplu ba Faculdade sira seluk iha UNTL.” Tenik Magnífiku Reitor UNTL João Soares Martins liu husi nia diskursu abertura iha Auditorium Faculdade Engenharia Hera, 12/10/2023
Reitor UNTL ne’e hatutan, peskija refere importante tebes presiza kontinua ba oin, involve mos estudante sira para bele kaderniza sira iha prosesu peskija, hakerek no produz
“Peskija ne’e di’ak teb-tebes, presiza kontinua ba oin, se bele involve mos estudante sira hodi kaderniza sira ba futuru”. Reitor UNTL João Soares Martins hateten
Iha fatin hanesan, Presidente Komisaun Organizadora ba Semináriu Nasionàl ne’e haktuir, Faculdade de Engenharia, Ciência e Tecnologia UNTL realiza semináriu ne’e kada tinan, iha ne’ebé tinan ne’e halo ba dala VI tanba hetan apoia husi JICA
“Faculdade de Engenharia, Ciência e Tecnologia UNTL kada tinan realiza semináriu ne’e hodi apresenta rezultadu peskija tanba hetan suporta makaas husi JICA Timor Leste, ita produz ona to’o iha volume VI”. Informa Presidente Komisaun Organizadora Domingos de Sousa
Enkuantu, Semináriu Nasional ne’e Reitor UNTL lansa ofisial Timorese Academic Journal of Science and Technology ba volume VI refere no entrega ofisialmente ba JICA, Reprezentante Ministériu Edukasaun Ensinu Superior Siénsia no Kultura, Reprezentante Reitor UNITAL, Presidente EDTL, ANAA, I.P, inklui konvidadu sira seluk
Semináriu Nasionàl refere realiza hodi selebra mos existênsia UNTL ba dala XXIII ne’ebe sei Selebra iha loron 17 Fulan Novembru tinan 2023, Semináriu ne’e la’o durante loron 2 (12-13/10/2023), semináriu ne’e hetan partisipasaun maksimu husi Estudante UNTL inklui konvidadu sira husi Instituisaun Estadu nian
Fo hanoin mos katak, Faculdade de Engenharia, Ciência e Tecnologia mos dizitaliza ona sira nia sistema ne’ebe hanaran SIA (Sistema Informasaun Akademika), sistema ne’e uza ba registu semestral, tau valor estudante, tau ba planifikasaun estudante no asegura estudante sira nia Dasia.
Sistema SIA ne’e mos UNTL hahu introduz no expanda ona ba Faculdade 8 seluk iha UNTL, Daudaun ne’e mos Ministériu Edukasaun Ensinu Superior Siénsia no Kultura mak uza ona sistema ne’e hodi aktualiza dadus sira Governu nian.
@ MEDIA AAE-FECT