Hera UNTL, 08 Marsu 2023: Nu’udar instituisaun akadémiku ida ne'ebé dedikadu hodi oferese edukasaun, siénsia no teknolojia ne’ebé diak liu, Fakuldade Enjiñaria, Siénsia no Teknolojia ho orgullu anunsia susesu loron lima ne'ebé nakonu ho atividade ne’ebé divertido no útil. Rejistrasaun, gladi, no orientasaun ne'ebé realiza durante loron lima ne'e fó oportunidade ba estudante foun sira atu hetan ka hatene kona-ba ambiente Fakuldade Enjiñaria nian, hetan informasaun importante kona-ba vida fakuldade, no hetan relasaun sosial pozitivu ho sira nia kolega ka belun foun sira.

Atividade rejistrasaun, gladi, no orientasaun ne'ebe hahu iha dia 09 Marsu 2023 to'o 15 Marsu 2023 iha Fakuldade Enjiñaria, Siénsia no Teknolojia nian remata ona! Ami konvida ita atu hare foto sira ne’ebé nakonu ho kontenti, triste no ksolok iha atividade durante ne'e. Karik, liu husi hare foto ka imajen sira ne’e bele relembra fali momentu momentu sira ne’ebé kontenti no triste. Tag foto sira ne’e mos ba maun no bin komisaun orientador (FECT – KOOA 2023) sira ne'ebé halo imi terus iha momentu balun no mos sempre motiva imi. E tag foto sira ne’e mos ba imi nia belun ne’ebé imi koñese.
Hodi hametin Fakuldade Enjiñaria, Siénsia no Teknolojia ida ne'e ho espíritu ne'ebé enérgiku no pozitivu ba futuru ne’ebé di'ak no suksesu, mai ita hamutuk tau liman no duni ita nia mehi hodi susesu iha Fakuldade Enjiñaria, Siénsia no Teknolojia.
Labele haluhan katak “HORSEIK SIRA, AGORA AMI NO ABAN KA IHA FUTURU IMI. MAIBE ITA NAFATIN ITA. ENJEÑARIA IS THE BEST."